Удмурт сям-йылолъёсты азинтозы

Вашкала дырысен удмурт калык Быдӟымнал арняез сӥлы кариз. Та арняе бадӟым ужъёс борды кутскыны ӧз косэ. Нош шулдыръяськонъёслэсь кутӥсь ӧз луы. Туннэ нуналэ но та йылоллэсь куронъёссэ мултэс уг каро. Удмурт калык арня ӵоже шутэтске, пыже-пӧзьтэ, куно вазе. Нош нылпиослы котькуд нунал сямен курегпуз питыратыны луымон. Шудекысь культура юртын но соос «Катись яичко» шудонэ пыриськизы. Со сяна, Быдӟымнал сярысь трос выльзэ тодӥзы. Азьпалан соос будозы, удмурт калыклэсь сям-йылолъёссэ азинтозы.

Фото: Шудекский СДК