«Я люблю тебя, жизнь» республика фестивальлэн зональной этапез ортчиз

Отчы Балтач, Бурай, Дюртюли, Илиш, Калтасы, Краснокама, Татышлы, Янаул ёросъёсысь, Агидельысь но Нефтекамскысь коллективъёс пыриськизы. Туэ со шаермес утисьлэн арезлы но Быдӟым Вормонлы 80 ар тырмонлы сӥземын вал.  

Коллективъёсты ӟечкыласа Янаул ёрос адмнистрациен кивалтӥсь Салават Гильмиев вераськиз. «Ми оскиськом, та нунал кемалы тодады кылёз шуыса. Эшъёсыныды выль пумиськонды сярысь тӥ ноку уд вунэтэ», - шуиз со. Фестивале Татышлы ёросысь Улысь Балтачысь «Палэзь» («Рябинушка») калык ансамбль но пыриськиз. Учкисьёсты со чебер удмурт кырӟанэн шулдыртӥз.

Фестивальысь устооссэ коллективъёсты ужрадлэн гала-концертаз быръёзы. Со Арлыдоослэн нуналзылы сӥземын луоз.