Ӟечкылазы, данъязы но шудӥзы

Отын гурт поселениослэн кылем арын быдэстэм ужъёссылы йылпумъянъёс лэсьтӥзы. Соосты кык категорилы люкизы: нырысетӥез – вить сюрслэсь ӧжыт калыкен, кыкетӥез – вить сюрслэсь трос калыкен.Нырысетӥ группаын вормисе потӥз Шудек сельсовет. Гурт поселенилэн администрациеныз кивалтӥсьлы Сергей Байдуллинлы 75 сюрс манет тыр грант сётӥзы. Кыкетӥ интыын луиз Иткиней сельсовет (50 сюрс манет), куинетӥын – Максим сельсовет (25 сюрс). Кыкетӥ группаын вормисьёс пӧлын луизы Ямады, Сандугач но Первомай сельсоветъёс.

Интыысь аскивалтэтлэн нуналаз кивалтӥсьёс спорт шудонъёсын кужымзэс эскеризы.