Йӧскалык дӥськутъёс калыклэсь лулчеберетсэ возьмато

Жаляса верано, туала улонын йӧскалык дӥськутъёсты адями вылысь котькуд нунал уд адӟы. Озьы ке но, сцена вылын соос яркыт пишто, пӧртэмлыкенызы паймыто. Со сяна, берло дыре сюанъёсы но ӵем гинэ йӧскалык дӥськутъёсын вуо. Озьыен, калык костюмъёс улонысь пыраклы кошкемын шуыны уг луы.

Алтау гуртысь библиотекаын удмурт калык  дӥськутъёслэсь пӧртэмлыко луэмзэс эскеризы. «Инвожо» ансамбле пыриськисьёс  ог-огзэс асьсэлэн костюмъёсынызы тодматӥзы. Угось котькуд кышномурлэн аспӧртэмлыко дӥськутэз. Со возьматэ удмурт калыклэсь  лулчеберетсэ, киужлы усто луэмзэ.

Фото: Алтаевская библиотека Бураевского района