Вашкала йылол трос калыкез огазея

Янаул ёросысь удмуртъёс арлы быдэ быдӟымналэз огазе люкаськыса одӥгаз гуртын ортчыто. Туэ соосты нырысьсэ Никольскын пумитазы.

Ужрадэ лыктэм куноосты пумитаса но соосты йылол праздникен ӟечкыласа Янаул ёрос администрациен кивалтӥсьлэн воштӥсез Ильдар Маликов, Орловка гурт поселениен кивалтӥсь Любовь Шамшурина, Андревкаысь вӧсяськись Валерий Галиев вераськизы. Соос Никольскын улӥсьёслэсь ужез гажамзэс, пӧртэм калыкъёсын эшлыко кусыпъёс тупатыны быгатэмзэс пусйизы. «Башкортостанын улӥсь калык гинэ ог-огзэ быдӟымналэн яке ураза-байрамен ӟечкыланы быгатоз. Асьмеос дышемын эшъяськыса улыны, котькуд дыре ог-огмылы юрттыны», -шуиз И. Габбасович. Нош собере котыре куриськем куара кылӥськиз. Ӵын вылын пӧзьтэм ӝукен Ямадыысь вӧсяськись Сади Садиев куриськиз. Никольске Быдӟымналэ ёросысь ваньзы сямен удмурт ансамбльёс люкаськизы. Учкисьёсты соос чебер кырӟанъёсынызы шулдыртӥзы.