Быдӟымналэз валче пумитазы

Туала арын но калыкмы йылолэз сӥлы каре. Гуртъёсын нылпиос азьвыл сямен ик курегпуз бичало, берло сое питыратыса шудыны возьвылэ мыно. Кышномуртъёс вазь ӵукна ӝук пӧзьто, пыжисько, куно вазё.

Калтасы ёросысь Бадӟым Качак гуртын Быдӟымнал шулдыр ортче. Ӵукна нылпиос коркаысен коркае курегпуз бичаны пырало. Кожалод, соослэн задор серекъямзы, урамтӥ шуккиськыса, быдэс дуннее пазьгиське. Нунал но туннэ удалтӥз: шунды, сиоссэ жалятэк, котыр улосэз шунтӥз. Качакъёс та нуналэ пыжем-пӧзьтэмъёсынызы ог-огзэс кунояло. Туэ Выль урамын но Уллапалан улӥсьёс, ульчаосазы ӝӧк пуктыса, Быдӟымналэз огинэ пумитазы. Та выллем ваче пумиськыса пуконъёс бускельёсты огазеяны юртто но эшъяськон мылкыд пуромыто.