Школаысь музей пӧртэм экспонатъёслы узыр

Сое выльдон бордын Геройлэн анай-атаезлэн Роза Хабибзяновналэн но Леонид Гыльмияровичлэн кужымзы бадӟым луиз. Соос нымысьтыз военной операцие но мукет со выллем ожъёсы пыриськем пиослы сӥзем сэрегез тупатыны юрттэт возьматӥзы. Со ожгарчиослэн дӥськутъёсынызы, пӧртэм арбериосынызы, туспуктэмъёсынызы но трос мукетыныз тырмытэмын.

Музей пичи висъетэ ке но интыяськемын, пӧртэм экспонатъёслы узыр луэ. Татын песяй-песятайёсмылэн улон котырзы но, ужан арбериоссы но возьматэмын. Музей гурт поселениысьтызы сӥё-дано ужасьёсын но тодматэ.