+28 °С
Салкым
Общество
12 апрель 2025, 17:52
Гуртын спектакль пуктӥзы
Туннэ, 12-тӥ оштолэзе, Калтасы ёросысь Бадӟым Качакысь культура юртэ трос калык люкаськиз. Мугез огшоры ӧй вал. Гурт калыкез шулдыртыны но солэсь мылкыдзэ ӝутыны Янаул ёросысь Каймашабаш гуртысь артистъёс вуизы. Соос А. Григорьевлэсь «Исьтапанлэн зарниез» кык езэн комедизэ возьматӥзы.
Гуртын спектакль пуктӥзы
Узыр пересь воргоронлэн коньдонэз лыдъянтэм. Вань улонзэ со Уйпалан зарни поттонын ужам. Одӥгез гинэ сюлэмзэ вӧсь каре: узырлыксэ кельтыны наследникез ӧвӧл. Соин ик со аслыз кузпал утча. Чебер егит нылэз шедьтыса, соку ик соин сюан шудэ. Нош нылашлэн малпаназ коньдон гинэ. Кузпалъяськемзы бере Исьтапанлэн егит кышноез люкиськыны куре, ӝыны ваньбурзэ киултыны малпа. Озьы но воргоронлэн сюлэмыз умойезлы оскемысь уг дугды. Со нош ик егит кузпал утчаны ӧдъя.
Каймашабашъёс комедиез зэмос артистъёс выллем шудыны быгатӥзы. Кык часлы матэ залын пукисьёс серекъямысь ӧз дугдэ. Гурт калыклэн шутэтскон ӝытэз удалтӥз, капчи но задор мылкыдэн йылпумъяськиз.
