+22 °С
Зоръёслэн
Общество
10 апрель 2025, 13:39
"Салют Победы" фестиваль йылпумъяськиз
Бурай ёросын укмысэтӥ оштолэзе калык творчествоя «Салют Победы» фестиваль йылпумъяськиз. Со Быдӟым Вормонлы 80 ар тырмонлы но Шаермес утисьлэн арезлы сӥземын вал.
"Салют Победы" фестиваль йылпумъяськиз
Фестивале 13 гурт поселениысь 34 коллектив пыриськиз. Со трос адямиосты сцена вылэ поттӥз, выль нимъёсты усьтӥз. Быдӟым Атыкай ож вакытэ быдэстэм кырӟанъёс, со секыт аръёсты возьматӥсь композициос котькуд учкисьлэсь сюлэмзэ бугыртӥзы.
Фестивальлэсь йылпумъясь концертсэ учкыны трос калык люкаськиз. Угось отын вормисьёсты данъязы. Шумпотоно, фестивальын удмурт гуртъёсысь кырӟась-эктӥсьёслэн кужымзы шӧдӥськиз. Та нуналэ, кылсярысь, Тазлар гурт поселенилы нырысетӥ сётӥзы. Отын ортчем концертэ Касияровоын улӥсьёс но пыриськизы. Нош кыкетӥ степенё дипломен Кузбай гурт поселениысь кырӟась-эктӥсьёсты шумпоттӥзы. Йылпумъясь ужрадын учкисьёсты Алтаевоысь «Инвожо» ансамбль шулдыртӥз. Озьы ик кыкетӥ инты сётэмын Тепляк гурт поселенилы. Фестивальлэн нырысетӥ люкетаз ортчем концертын удмурт кырӟанъёсты байшадыос кырӟазы.
Туспуктэмез "Алга" ёрос газетысь басьтэмын.
