Космонавтикалэн нуналэзлы сӥзем мастер-класс ортчиз

Калтасы ёросысь Чиндэрысь клубын но библиотекаын ужасьёс гуртысьтызы нылпиослы «Ракета летит в космос» апликация лэсьтонъя ужрад ортчытӥзы. Тунсыко мастер-класс Космонавтикалэн нуналэзлы сӥземын вал.

Ужрадэз радъясьёс пиналъёсын нырысь ик вераськон ортчытӥзы. Озьы нылпиос тодӥзы малы Космонавтикалэн нуналэз паськыт пусйиське, кин со Юрий Гагарин, кыӵе муген адямиос инсьӧры лобало. Трос выль тодон-валанъёсын ужрадэ вуэмъёс пӧртэм буёло кагазлэсь ракета тупатӥзы. Озьы ик та нуналэ нылпиосты Космонавтика дуннеез усьтӥсь возьматонэн тодматӥзы.

Фото: Малокачаковская библиотека

Автор:Венера Ильбаева

Читайте нас

Партнеры