Асавкаын нимысьтыз военной операцие пыриськисез данъязы

Кин ке отчы мобилизация улсын кошкиз, асьсэ мылкыд каремзыя шаермес утьыны султӥсьёс но луизы. Нош та нуналъёсы гуртысь школаын Роберт Зиянгировез данъязы – Геройлы нимысьтыз парта усьтӥзы.

Нимысьтыз военной операцие со 2022-тӥ арысь куарусён толэзьысен пыриське. Та дыр куспын Роберт Раисовичез Суворовлэн медаленыз, «За воинскую доблесть», «428 МСП» медальёсын, Мужестволэн орденэныз данъязы. Со али но тушмон пумитэ кышкатэк вамыштэ.

Ожгарчилы сӥзем ужрадэ Балтач ёрос администрациен кивалтӥсьлэн социальной ужпумъёсъя воштӥсез Инзиля Гасимьянова, ёрос Кенешен кивалтӥсь Азамат Магзумов, дышетонъя ёзэтэн кивалтӥсь Гульнара Шаймухаметова, Тошкур гурт поселенилэн администрациеныз кивалтӥсь Булат Аглямов, ожгарчилэн анай-атаез, матысьёсыз но тодмоосыз пыриськизы.