Выль Татышлы школаысь нылъёс волейболъя ӵошатсконэ ветлӥзы

 Таяз радын но соос кужмо командаос пӧлы шедизы. Нылъёс 4-тӥ апреле Аскиноын ӵошатскизы. Отын Башкортостан Республикаын дышетскисьёслэн «Школьная волейбольная лига» ӵошатсконзылэн зональной этапез ортчиз. Татышлы ёрослэсь данзэ Выль Татышлы школаысь нылъёс утизы. Соос ӟырдыт нюръяськонын кыкетӥ инты басьтӥзы. Нырысетӥын луиз Янаул городысь команда. Выль Татышлыысь Яна Хасанянова «Лучший игрок» нимын пусъемын, нош Анастасия Хатипова – «Ценный игрок». Нылъёсты ӵошатсконэ тренерзы А. Г. Зайноков дасяз.

Туспуктэм: Детско-юношеская спортивная школа с.В.Татышлы