Ваньмы ӵошен субботнике пыриськимы

Та выллем ужрадъёс республикаысьтымы котькуд городын но ёросын ортчо. Матысь дыре «Зеленая Башкирия», «Сад памяти», «Вода России» экологической акциос радъяськозы.

«Туэ тулыс одӥг толэзьлы вазьгес вуиз. Соин та вакытэн герӟаськем ужъёс борды но дырызлэсь вазь кутсконо луоз, - южтолэзе ортчем одӥгаз оперативкаын вераз республикалэн тӧроез Радий Хабиров. Субботникъёслэн нуналъёссы Башкортостан Республикаысь правительстволэн распоряжениеныз юнматэмын. Соос 29-тӥ южтолэзьысен 10-тӥ куартолэзёзь, 30-тӥ гудырикошконысен 4-тӥ шуркынмонозь радъяськозы. Быдэс республикаын 12-тӥ, 19-тӥ но 26-тӥ оштолэзе, 20-тӥ но 27-тӥ куарусёнэ радъяськозы. Со сяна, 19-тӥ оштолэзьысен 10-тӥ куартолэзёзь «Зелёная Башкирия» акция луоз. Быдэс республикаын улӥсьёс огӵош 26-тӥ оштолэзе писпу мерттозы. Нош сӥзьыл – 27-тӥ куарусёнэ.