Егитъёс пӧяськисьёслы трос коньдонзэс келязы

24 аресъем егит ныл маркетплейсъёсын вузъёслы лайк пуктыса коньдон поттыны малпам. Берло солы табышсэ будэтон понна вузъёсты басьтыны ӵектӥллям. Со понна коньдон выжтоно луэм. Берло егит ныллэсь ватсаса 65 сюрс манет коньдонзэ куриллям. Со, пӧяськисьёс кие шедемзэ тодытэк, выльысь коньдонзэ выжтэм. Но банкын ужасьёс егит ныллэсь коньдонзэ утьыны юрттӥлям. Пӧяськисьёслы со огъя 23 сюрс манет коньдонзэ келям.

Нош 23 аресъем егит пилы сим-картаеныз пайдаяськон дырыз ортчем шуыса ивортӥллям. Азьланяз соин пайдаяськон понна телефоназ вуэм кодэз ивортыны куриллям. Егит пи куронзэс быдэстэм. Собере пӧяськисьёс солэн нимыныз кредит басьтыны заявка сётӥллям. Егит пи тодмотэм адямиосын вераськемез бере соослы 766 сюрс манет коньдонзэ келям. Мукетыз егит пи 174 сюрс коньдонзэ ыштэм. Со пӧлысь 90 сюрссэ кредитэн басьтэм.