Нылпи журналъёс паймоно дуннее вутто

Янаул ёросысь Вуж Вараш библиотекаын но гуртысьтызы покчи классъёсын дышетскисьёс нылпи журналъёсын тодматскизы. Библиотекарь М.Е. Хисамутдинова соос понна «В стране Журналия» нимысьтыз урок дасяз. Пичи лыдӟисьёс мылысь-кыдысь учкылӥзы яркыт буёло журналъёсты, асьсэлы тупась ӧръёсты эскеризы. Мар гинэ уд шедьты нылпи журналысь: отын ик инкуазь но, тылобурдоос но, пӧйшуръёс но возьматэмын! Соин, лэся, нылпиос ужрадлэсь ортчемзэ но ӧз шӧдэ. Азьпалан нош ик библиотекае вуыны кыл сётӥзы.

Фото: Староваряшская сельская модельная библиотека