Нефтекамскын удмурт культурая нуналъёс йылпумъяськизы

Арлы быдэ та вакытэ отын удмурт культурая нуналъёс радъясько. Со улсын городын трос пӧртэм ужрадъёс ортчыло: пумиськонъёс, мастер-классъёс, куасэн ӵошатскон но трос мукетыз. Со ласянь таиз ар но пӧртэм ӧз луы. Нефтекамскысь удмурт огазеяськонэн кивалтӥсьлэн Ирина Алферовалэн кылъёсызъя, южтолэзе Нефтекамскысь вань удмуртъёс огазеясько. Соос ужрадъёсы пыриськыны но дыр шедьто. Сое йылпумъясь ужрад но яркыт возьматӥз. «Айкай» кун театрлэн концертаз трос калык люкаськиз. Отын эстафетаез но Эшъяськон кубокез бигеръёслэн национально-культурной центрзылы выжтӥзы.  Нош удмурт культурая нуналъёс южтолэзь пумозь кыстӥськозы на.