+28 °С
Салкым
Общество
25 южтолэзь 2025, 06:40
Каймашабашын выжыослы сӥзем ужрад ортчиз
Вашкалазэ тодытэк, азьлане уд мыны, шуо. Та веранэз лыдэ басьтыса, Янаул ёросысь Каймашабашысь библиотекаын «Я – ветка в корне рода моего» ужрад ортчиз. Со выжы писпуослы сӥземын вал.
Каймашабашын выжыослы сӥзем ужрад ортчиз
Ужрад шудон амалэн кутскиз. Гуртысь кышномуртъёс мадиськонъёслы валэктонъёс утчазы, пословицаосты, поговоркаосты тодазы ваизы. Библиотекарь О. Д. Садриева вотэс бамаз гожтэ: «Бӧрысь кыл сётӥм Ралина Фатиховалы но Юра Садриевалы. Ралина Муллануровна 50 ар ӵош улэм кузпалызлэн родословноеныз тодматӥз. Соослэн выжы писпузы Хайретдин бордысен кутске. Нош фамилизы – кузпалызлэн атаезлэн - Фатих - нимыныз герӟаськемын. Родословнойзэс Фатиховъёс вить поколениозь тодо. Юра Гайтиевналэн но выжы писпуэз кузпалызлэсь выжыоссэ возьматэ. Ужрадэ лыктэмъёс соосты туж сак кылзӥзы. Мукетъёслэн но выжы писпузэс лэсьтыны мылкыдзы пуромиз».
Ужрадэз шудонъёс азинтӥзы. Нылкышноос «Лодӥга» ӝӧквыл шудонэз тодазы ваизы. Собере ӵошен чай юизы.
Фото: Каймашабашская библиотека Янаульского района
