Чиндэрысь клубын жингыр вазиз

Чиндэрысь клуб калыкен тырмемын вал. Варяшъёсты концертэ люкаськемъёс юн кичабонъёсын пумитазы. Пичи гинэ сцена вылын кужмо крезьгур программа радъяськиз. Шулдыр кырӟанъёс задор эктонъёсын огинэ луыса чебер тугоко пӧрмытӥзы. Йӧн-йӧн мугоро пиосмуртъёс, синмаськымон кышномуртъёс бадӟым сценаысь зэмос артистъёс выллем учкисьёслэсь сюлэмзэс вырӟытыны быгатӥзы. Арсений Минигалиевлэн но Радик Нигиевлэн арган гуръёссы, кожалод, быдэс гуртэ чузъяськизы. Нош пичи кырӟасьлэн Максим Минигараевлэн нимысьтыз военной операциен герӟаськем пуштросэн кырӟанъёсыз люкаськем калыкез огвакытлы туала югдуре вуттӥзы.

 Пӧртэм ёросъёсысь кык удмурт гуртъёсын улӥсьёс ог-огзылы шумпотон кузьмазы, азьпалан выль пумиськонъёс сярысь вераськизы.