СВО-ысь ожгарчиен пумиськон ортчиз

Нимысьтыз военной операциысь вордскем шаераз шутэтскыны вуэм ожгарчиез котьку но шумпотыса пумитало. Сое одно ик нылпиосын пумиськонэ ӧтё. Янаул ёросысь Вуж Вараш гуртысь клубын  «Чёрный» позывнойен ожгарчиен радъяськем ужрадэ нылпиос мылысь-кыдысь пыриськизы. Пумиськонэ вуыны бадӟымъёс но пумит ӧз луэ, залэ «Югдон» удмурт калык ансамбльысь кырӟась-эктӥсьёс вуизы. Вераны кулэ, «Чёрный» ас вакытаз  «Югдон» ансамбльлэн ёзчиез вал. Ожгарчи трос учыръёссэ мадиз. Куректонэн но шумпотонэн тырмем мадёсъёс люкаськем калыкез паймытӥзы. Ужрадэ пыриськисьёс асьсэос но ожгарчилы трос юанъёс сётъязы. Нош пумиськонэз йылпумъяса, ваньзы пиосмуртлы тазалык но ӝоген вормон сӥзизы.

Фото: Староваряшская сельская модельная библиотека