Ансамбльлэсь чебер юбилейзэ пусйизы

21-тӥ мартэ солэсь 20 ар тырмон юбилейзэ пусйизы. Ансамбльын кырӟасьёсты котырес юбилеенызы ӟечкыланы трос калык люкаськиз. Соослы шуныт кылъёссэс веразы Бадӟым Гондыр территориальной ёзэтэн кивалтӥсь Т. М. Шарибзянова, Пермь шаерысь удмуртъёслэн огазеяськонэнызы кивалтӥсь А. Ш. Туктагулова, «Тюрагай» ансамблен кивалтӥсь Ф. С. Гарифуллина. Со сяна, ансамблез ӟечкылазы вуизы Кипчакысь «Зангари», Барабанысь «Инвожо», Киргаысь «Уӵы» коллективъёс.

Юбилей ӝытэ ансамбльын кырӟасьёслэн Любовь Колокольцевалэн но Руфина Романовалэн киужъёсынызы адӟытон дасязы. Соос вӧзы интыязы гуртысь усточилэн Вячеслав Менликаевлэн киосыныз лэсьтэм арбериосты но.