Библиотекаын экологической час ортчиз

Адямилэн улоназ инкуазь валтӥсь инты басьтэ. Нылпиослэсь улонзэс син азямы пукыны ум быгатӥське ньыль пыдо эшъёссытэк. Гуртын котькуд юртын сямен вань коӵышъёс, пуныос. Асьмелэн ужпуммы – пиналъёс соосты утьыны мед быгатозы шуыса дышетон.

Ужрад пудо-животъёсын, пӧйшуръёсын тодматскон бордысен кутскиз. Пиналъёс тематической юанъёслы валэктонъёс утчазы, пӧйшуръёс сярысь мадиськонъёсты тодӥзы, асьсэлэн «пичи эшъёссы» сярысь мадизы. Со сяна, "Мир животных", «Угадай животного», «Дикие – домашние», «Узнай по описанию» шудонъёсы пыриськизы.

Бӧрысь дышетскисьёс пӧйшуръёслы сӥзем книгаосын тодматскизы. Ужрадэ К. Паустовскийлэн, Б.Житковлэн, В.Бианкилэн, М. Пришвинлэн, Г. Скребицкийлэн книгаосынызы адӟытон но дасямын вал.

Фото: Асавская-Сельская-Модельная Библиотека