Уфаын агропромышленной форум но калыккуспо адӟытон ортче

Соосты Башкортостан Республикалэн Правительствоез, Гурт хозяйствоя министерство но «БВК» ООО радъяло. Адӟытонын Россиысь пӧртэм регионъёсысь но кунгож сьӧрысь трос валтӥсь компаниос возьматэмын. Нош форумын, БР-ысь Гурт хозяйствоя министерстволэн ивортэмезъя, 30-лэсь трос дискуссионной площадкаос но котырес ӝӧк сьӧрын вераськонъёс радъямын. «Оскиськом, адӟытонэ пыриськисьёс азьланяз ӵошен ужаны трос выль эшъёс шедьтозы, - шуиз Башкортостан Республикалэн тӧроез Радий Хабиров. - Та секыт дыре тӥледлы азинскон сӥзисько. Ӵошен асьмеос ваньзэ вормыны быгатом».

Ужрадэ Татышлы ёросысь делегация но пыриське. Солэн нырысетӥ нуналаз татысь валтӥсь зоотехникез Ильдар Фаридович Булатовез кема аръёс ӵоже агропромышленной комплексэз азинтонтонын сюлмысь тыршемез понна Россия Федерациысь Гурт хозяйствоя министерстволэн Данъян грамотаеныз пусйизы.