Нылпиос толэз келязы

Шунды нуналысь нуналэ яркытгес но шунытгес пиштэ. Ческыт тулыс зын нырез гочатэ ни. Сьӧд куакаослэн вуэмзы но зэмос тулысэз шӧдытэ. Тӧдьы шобрет улысь сьӧд музъем адӟиське. Инкуазь сайка, котыр улос кӧлэмысь султэ.

Калыклэн верамезъя, тулыс ӝоггес мед вуоз шуон понна, сое валаса келяны быгатыны кулэ. Калтасы ёросысь Бадӟым Качак гуртысь нылпи садэ ветлӥсьёс жадиллям ини кезьытъёслэсь. Соин толэз келяны соос мылысь-кыдысь потӥзы. Гуртысьтызы клубын но библиотекаын ужасьёс соослы «Ӟеч лу тол, ӟечбур тулыс» шудон программа ортчытӥзы. Пиналъёс кӧттырымон тэтчазы но бызьылӥзы, командаослы люкиськыса, конкурсъёсын пӧртэм ласянь быгатонлыкъёссэс возьматӥзы. Нош ужрад сульдэрез ӝуатонэн йылпумъяськиз.

Фото: Большекачаковский Сдк

Автор:Венера Ильбаева

Читайте нас

Партнеры