Школаын дышетскисьёс нылпи творчествоя фестивале пыриськозы

Туэ соосты 29-тӥ мартэ Татышлы ёросысь Кальтяевоысь школаын пумиталозы. Фестиваль командаослэн визитной карточкаенызы тодматскон бордысен кутскоз. Нош собере деловой шудон радъяськоз. Нылпиос анай кылзэс, калыксылэсь сям-йылолъёссэ тодэмзэс возьматозы, удмурт литературая но юанъёс луозы. Та нуналэ пӧртэм мастер-классъёс ужалозы, кылсярысь, «Журналистика», «Театр», «Презентация», «Накидка на табуретку», «Волшебное рисование», «Брошь с георгиевской лентой». Фестиваль концертэн йылпумъяськоз. Ужрадэ 5-9-тӥ классъёсын дышетскись пиналъёс пыриськыны быгатозы.