Вуж Шагиртысь юнармеецъёс «зарни» басьтӥзы

Шаермес утисьлэн арез но Быдӟым Вормонлы 80 ар тырмон улсын радъяськем конкурсэ Пермь шаерысь Куеда ёросысь Вуж Шагирт школаысь «Торнадо» военно-патриотической отряд но пыриськиз. Юнармеецъёс "Смотр строя и песни" номинациын быгатонлыкъёссэс возьматӥзы. Вераны кулэ, вуж шагиртъёс кылем арын но та конкурсэ пыриськизы, отборочной туре Перме ветлӥзы. Туэ соослэн Екатеринбургез «басьтыны» мылкыдзы бадӟым луиз: отысь вормонэн бертӥзы.

Быдэсросси конкурслэн отборочной туръёсыз, Екатеринбургын сяна, укмыс городъёсын радъяськизы на. Отын вормисьёсты шуркынмон толэзе Москва город «Марш Победителей!» быдэсросси смотр-парадын пумиталоз.

Фото: Юнармия (Старый Шагирт)