Шахмат доска сьӧрын асьсэды кужмо возьмато

Та ласянь пыр-поч ужаны юрттэ РФ-лэн президент грантъёсъя фондэз улсын дасям «Королевство шахмат» проект. Тодады вайытӥськом: «Центр развития сельского поселения Нижнебалтачевский сельсовет «Надежда» огазеяськон 2024-тӥ арын грант басьтӥз. Со нылпиосты шахматэн шудыны дышетонлы сӥземын. Шахматэн тунсыкъяськисьёсын Татышлы ёрослэн шахматъя чемпионэз Елена Шафеева ужа.

16-тӥ мартын Улысь Балтачысь пиналъёс - Адуллин Алексей, Байситов Даниил, Гарифуллин Святослав, Гильмаутдинова Ева, Губаева Кристина, Кайранова Дарина, Рахимзянова Анастасия, Саяфаров Мирослав, Шакирова Ярина - Вылысь Татышлыын ортчем шахматъя турнире пыриськизы. Ужрад Дамир Ахметовез буре вайыса радъяськиз. Турнирын 73 адями аслэсьтыз кужымзэ эскериз. Соос Аскино, Татышлы, Бурай, Янаул ёросъёсысь но Нефтекамскысь вуизы.  

Турнирын Анастасия Рахимзянова бадӟымъёс радын шудӥз, куинетӥ интыын луиз. 2010-2011-тӥ аръёсы вордӥськемъёс пӧлын куинетӥ интые потӥз Ева Гильмаутдинова, 2012-2013-тӥ аръёсы вордӥськемъёс пӧлын Дарина Кайранова куинетӥ луиз.

Фото: соцсети Фанур Шайхисламов