Туймазыын слёт ортчиз

Отчы Калтасыысь 1-тӥ номеро школаын дышетскись Дарья Чулкова но пыриськиз. Уго со региональной командаын лыдъяське.
Слёт кык нунал кыстӥськиз. Отын эшъяськонлы, валче ужанлы бадӟым саклык висъяськиз. Ужрад улсын пӧртэм мастер-классъёс, тренингъёс, командаен шудонъёс радъяськизы. Со сяна, "Классные встречи" пресс-конференция ортчиз. Слёт квест-шудонэн йылпумъяськиз, кытын "Большая Перемена" клублэн 12 ӧръёсыз возьматэмын вал. Собере слётэ пыриськисьёс "Кандрыкуль" лагерьын радъяськись программае пыриськизы.
Ужрадын нылпиосты дипломъёсын пусйизы. Кылсярысь, Д. Чулкова "Приветствие клубов" конкурсын вормисе потӥз, нош квест-чемпионатын призёр луиз.

Фото: Калтасинская школа №1 Калтасинского района