Андреевкаос калыклы шулдыр мылкыд кузьмазы

Куинь часлы матэ сцена вылысен бигер, пор, ӟуч но удмурт кырӟан-эктонъёс чузъяськизы. Андреевкаослэн концерт программазы мур пуштресо пӧрмиз. Крезьгур ужрадын Быдӟым Атыкай ожез но тодазы ваизы, нимысьтыз военной операциысь ожгарчиосты но сӥлы карыса кылбур лыдӟизы. Кышномуртъёсын быгатыса пуктэм интермедиос учкисьёслэсь мылкыдзэс ӝутӥзы. Концерт люкаськем калыклы зэмос шутэтскон ӝытлы пӧрмиз.