Пӧртэм калыкъёслэн командаоссы шудонэ пыриськизы

Со Чернушка ёрослэн кылдэмез дырысен 100 ар тырмонлы но Анай кыллэн нуналэзлы сӥземын вал.

Шудонэ Сульмашысь, Павловкаысь но Трунысь командаос пыриськизы. Ужрадэ соос калык дӥськутэнызы но ческыт сиён-юонъёсынызы вуизы. Та нуналэ учкисьёс ӟучъёслэн, бигеръёслэн, чувашъёслэн но удмуртъёслэн лулчеберетэнызы, сям-йылолъёсынызы тодматскыны быгатӥзы. Удмуртъёслэн «Эшъяськон тугоко» командазы Павловкаысь вуиз. Со понна шудӥзы Екатерина Медведева, Рима Шайсламова, Фардуна Кайранова но Рамзия Казипова.