Нылъёс конкурсын быгатонлыкъёссэс возьматӥзы

Школаосын та нуналэз паськыт пусъё. Кылсярысь, Янаул ёросысь Вуж Вараш школаысь сизьыметӥ-укмысэтӥ классын дышетскись нылъёс пӧлын «А ну-ка, девочки» шудон ортчиз. Соос пӧртэм тунсыко конкурсъёсын котьма ласянь учкымон луэмзэс возьматӥзы. Нылъёс асьсэды сярысь чебер вераны быгатӥзы, усто пӧразы, визьмолыкенызы паймытӥзы.

Ваньзы вормыны тыршизы ке но, конкурсъёсын сизьыметӥ классын дышетскись Елизавета Суфиярова кужмогес луиз. Солэсь ӧжытлы бере кылиз София Рахимзянова, нош куинетӥ интыез Карина Набиуллина басьтӥз. Ужрадэ пыриськисьёсты синпель кузьымъёсын пусйизы.

Фото: МБОУ СОШ с.Старый Варяш