Печатья но иворъёсты вӧлмытонъя агентстволэн паськытатэм коллегиез ортчиз

Со пусйиз, республикаын газет-журналъёсты, телевидениез но радиоез азинтонлы трос саклык висъяське шуыса. «Башкортостанысь журналистъёслы  та секыт вакытэ бадӟым уж нуэмзы понна тау шуисько. Нимысьтыз военной операция сярысь тӥ трос гожъяськоды, журналистъёс СВО-е вуыло», - шуиз со.  

Газет-журналъёслэн, телевиденилэн но радиолэн ар ӵоже быдэстэм уженызы тодматӥз Печатья но иворъёсты вӧлмытонъя агентствоен кивалтӥсь Максим Ульчев. «Кылем арын асьмелэн одӥгез валтӥсь ужпуммы луиз нимысьтыз военной операция, отын шаермес утисьёс сярысь, соослэн семьяоссы сярысь гожъян но веран. «Башинформ» информационной агентствоысь журналистъёс куинь пол нимысьтыз военной операцие вуылӥзы ни, издательской домысь – тямыс пол. Нош БСТ-ысь группа али ке но отын ужа», - вераз кивалтӥсь.  

Коллегиын трос пӧртэм ужпумъёсты эскеризы. Шумпотымон, та нуналэ йӧскалык газет-журналъёслэн вуонозы сярысь но вераськизы. Со сяна, республиккась тужгес усто журналистъёсты но почтальонъёсты данъязы.

Туспуктэмез Айрат Нурмухаметовлэн