Башкортостанысь дышетӥсьёс научно-практической конференцие пыриськизы

 Со «Кузебай Герд но со вакытысь югдытӥсьёс» темая радъяськиз. Отчы Удмуртиысь сяна, Татарстанысь, Башкортостанысь, Пермь шаерысь делегациос вуизы. Конференцие Татышлы ёросысь Улысь Балтач школалэн директорез, Башкортостанысь удмуртъёслэн национально-культурной центренызы кивалтӥсь Людвиг Зидымаков, Выль Татышлы школалэн директорез Дмитрий Афризонов но татысь школаысь удмурт кылъя но литературая дышетӥсь Зинаида Зайнуллина пыриськизы.

Конференциын 20-тӥ даурлэн кутсконысьтыз удмурт югдытӥсьёс Василий Крылов, Константин Яковлев, Иван Яковлев, Михаил Ильин, Яков Ильин, Александр Эрик, Аркадий Клабуков, Кедра Митрей, Иван Еремеев но мукетъёс сярысь вераськизы. Тунсыко докладъёс лыдӟизы Александр Шкляев, Галина Глухова, Светлана Арекеева, Алевтина Камитова, Лара Дмитриева, Людмила Бусыгина, Вячеслав Ар-Серги.