+24 °С
Зоръёслэн
Общество
2 южтолэзь 2025, 14:20
Школаын дышетскисьёс регионъёс куспысь конкурсэ пыриськизы
Приволжск федерал округлэн Башкортостанысь кадет корпусаз, Ишимбайын, "Отечество" регионъёс куспысь конкурс ортчиз.
Школаын дышетскисьёс регионъёс куспысь конкурсэ пыриськизы
Россилэсь Геройзэ, десант войскоосысь майорез Алексадр Доставаловез буре ваёнлы сӥзем исследовательской ужъёсъя конкурс туэ куатетӥ ползэ радъяськиз. Отын военно-патриотической ӧръя ужъёс возьматэмын вал.
Конкурс кык этапен ортчиз. Очной этапе 116 дышетскись пыриськиз. Татышлы ёросысь - ньыль. Соос пӧртэм секциосын асьсэлэсь проект ужъёссэс возьматӥзы. Вылысь Татышлыысь кыкетӥ номеро школаын дышетскисьёс А. Нигаматуллина, А. Биктагирова (кивалтӥсьсы Э.Ф. Ситдикова), А. Амиров (кивалтӥсез Р. А. Мардамшин), Кальтяево школаысь А. Хабирова (кивалтӥсез Р. Хаирзаманова) конкусын вормисьёс пӧлын луизы - Башкортостанысь Дышетонъя но наукая министерстволэн куинетӥ степенё дипломеныз бертӥзы.
Фото: Татышлинский Отдел образования
