Вордӥськем шаерзэс кырӟанъёс пыр данъязы

Туэ со Быдӟым Вормонлы 80 ар тырмонлы но Шаермес утисьёслэн арзылы сӥземын вал. Концертын поттэм коньдонэз нимысьтыз военной операцие пыриськисьёслы юрттон фондэ келялозы.

Фестиваль арлы быдэ ортче. Арысь аре отчы тросгес кырӟасьёс пырисько. Туэ учкисьёсты Киргаысь, Вуж Шагиртысь, Вылысь Саваысь, Бадӟым Гондырысь, Гожанысь, Бадӟым Кустыысь, Кипчакысь, Урадаысь, Узярысь коллективъёс шулдыртӥзы. Соосты «Песни сердца: от поколения к поколению», «Во имя державы», «Я люблю тебя, Россия» номинациосын дунъязы. Конкурсын трос удмурт кырӟанъёс чузъяськизы. Вормисьёс берлогес тодмо луозы.