Фестиваль-марафон сюрессэ азинтэ

 Та нуналэ эстафетаез Выль Татышлы гурт поселенилэн администраиценыз кивалтӥсь Николай Рахимьянов басьтӥз. Сое бускельёссылы калмияръёс вуттӥзы – ужрадэ гурт поселенилэн администрациеныз кивалтӥсь Павел Мардамшин пыриськиз. Быдӟым Вормонлы 80 ар тырмонлы, Татышлы ёрослэн кылдэмез дырысен 90 ар тырмонлы но Шаермес утисьёслэн арзылы сӥзем концерт Вылысь Татышлыысь культура юртын ортчиз. Уго Выль Татышлыысь культура юртын та нуналъёсы бадӟым тупатӥськон ужъёс мыно. Вылысь Татышлыын удмурт гурт поселениысь кырӟась-эктӥсьёсты шумпотыса но кужмо кичабонъёсын пумитазы. Сцена вылысен трос чебер кырӟан гуръёс чузъяськизы. Соос пыр пӧртэм аръёсы шаермес утисьёслы тау каризы, вордӥськем палъёссэс данъязы. Эктонъёс но учкисьёслэсь сюлэмзэс бугыртӥзы.

Концертэ «Шулдыр ӝыт» калык фольклор ансамбль, «Ӟеч малпанъёс» ансамбль, «Ошмес», «Хохотушки» ансамбльёс, ӟуч калык инструментъёсъя образцовой ансамбль пыриськизы. Чебер кырӟанъёсынызы шулдыртӥзы Ксения Милиятова но Валерий Сабанчин. Учкисьёс кужмо кичабонъёсын шумпоттӥзы школаын ужасьёсты, дышетскисьёсты.

Учкисьёс концерт бере люкиськыны ӧз дыртэ. Соос пӧлысь тросэз фойее дасям адӟытонэн тодматскизы.