Геройлэсь партазэ усьтӥзы

Партаос шаермес утисьёслы, нимысьтыз военной операциын бырыны шедем Булат Мухаматнуровлы, Венер Газизовлы, Кирилл Хатиповлы но Сергей Кадроковлы сӥземын.
Ужрадэ Татышлы ёрос администрациен кивалтӥсь Фанур Шайхисламов, Кальтяево гурт поселенилэн администрациеныз кивалтӥсь Радик Гарипов, ёросысь дышетонъя ёзэтэн кивалтӥсь Руслан Бадертдинов, шаермес утисьёслэн матысьёссы, эшъёссы но школаын дышетскисьёс пыриськизы. Соос пиослэсь кышкасьтэм, кылкутӥсь, вордскем шаерзэс гажась луэмзэс пусйизы. Дано улосчиосмылэн нимъёссы ноку уз вунэ. Соослэн кышкасьтэм вамышъёссы сярысь нылпиос школаысен ик тодозы.
Тодады вайытӥськом: "Парта Героя" проект «Единая Россия» партилэн «Новая школа» но «Историческая память» проектъёсыз улсын 2018-тӥ арысен быдэстӥське. Проектлэн валтӥсь ужпумез - нылпиослы дано улосчиоссы сярысь веран, кинъёс кышкатэк адӟем карымон ужъёс лэсьтӥзы. Геройлэн партаез сьӧрын пуко ӟеч дышетскисьёс но школалэн улоназ мыло-кыдо пыриськисьёс.

Фото: Администрация СП Кальтяевский сельсовет