Башкортостанын «Арлэн дышетӥсез» конкурс ортче

Туэ со 35-тӥ ползэ ортче. Отчы республикаысь пӧртэм ёросъёсысь но городъёсысь 148 усто дышетӥсьёс пырисько. Соос пӧлын трос анай кылъя дышетӥсьёс но. Угось «Учитель года Башкортостана» конкурс улсын анай кылъя устооссэ дышетӥсьёсты но быръёзы.

Конкурс кӧня ке люкетлэсь сылоз. 26-тӥ тулыспалэ, кылсярысь, дышетӥсьёс Уфаысь школаосын урок сётӥзы. Табере соосты «Диагностика профессиональных компетенций педагога» конкурс вите. «Учитель года Башкортостана» конкурслэн кыкетӥ турез 3-4-тӥ южтолэзе ортчоз. Соку дышетӥсьёс «Разговор со школьниками» эскерон пыр потозы. Собере конкурслэн куинетӥ турез, полуфиналэз, финалэз луозы на. Республикаысь устоосызлэсь дышетӥсьёслэсь нимъёссэс 14-тӥ южтолэзе ивортозы.

Туэ республика конкурсэ удмурт дышетӥсьёс но пырисько. Отын, кылсярысь, кужымзэс эскеро Татышлы ёросысь Г. Сокорой нимо гимназиысь покчи классъёсты дышетӥсь О. В. Валиахметова но Кальтяево школаысь удмурт кылъя но литературая дышетӥсь Л. А. Хазипова.