+24 °С
Зоръёслэн
Общество
25 февраль 2025, 16:41
Бадӟым Качакын ӝӧквыл теннисэн шудӥзы
Шаермес утисьлэн арез улсын Калтасы ёросысь Бадӟым Качак гуртын ӝӧквыл теннисъя ӵошатскон ортчиз.
Бадӟым Качакын ӝӧквыл теннисэн шудӥзы
Шудон Бадӟым Качак школаысь физкультурая дышетӥсьлэн Г.Ю. Тимирбаевлэн кичӧлтэмезъя радъяськиз. Вожвылъяськон ужрадэ Бадӟым Качакысь но Краснохолмскийысь спортэн эшъяськись пиосмуртъёс но нылкышноос пыриськизы. Котькудӥз вормыны тыршыса шудӥз. Та нуналэ Краснохолмскийысь ӝӧквыл теннисэн шудӥсьёс кужмогес луизы. Нылкышноос пӧлын качакъёс вормисьёс радэ ӧз пыре, нош пиосмуртъёслэн шудоназы Г.Ю.Тимирбаев куинетӥ интые потӥз.
