Зэмос пиос утёзы шаермес

Ужрадлэн валтӥсь ужпумез луиз нылпиосты эшъяськытон, командаен ужаны дышетон, соослы шаерез гажан, вордскем музъеменыд данъяськон мылкыд пыӵатон.
Пиналъёсты куать станциос витизы: "Эрудиты", "Сапёры", "Солдатская кухня", "Граната", "Меткий стрелок", "Собери армейский рюкзак/сухпаëк". Соосты пиос ӝог но капчиен ортчизы. Вакытлэсь ортчемзэ но ӧз шӧдэ. Котькин кужмо, шаплы луэмзэ возьматӥз.
Со сяна, ужрадэ "Святое дело-Родине служить" информационный стенд но "Форма русского солдата" адӟытон дасямын вал.
Фото: Киргинский сельский клуб