Шаермес утё данъяськымон улосчиосмы

Отчы нимысьтыз военной операцие пыриськисьёс, Быдӟым Атыкай ожысь ветеранъёс, ож мышкын тыршемъёс но мукетъёс ӧтемын вал. Ужрадэз усьтыса вераськиз Балтач ёрос администрациен кивалтӥсь Ильгиз Субушев. Со пусйиз, нимысьтыз военной операция кутскем дырысен улосчиосмы кышкасьтэм, кылкутӥсь луэмзэс возьмато шуыса. Оскымон пиосты будэтэмзы понна анай-атайёслы тау кылъёссэ вераз.
Ужрадэ лыктэмъёсты ӟечкылаз Татышлы но Балтач ёросъёсысь военком Ансар Арсланов. Со вераз: "Нимысьтыз военной операцие пыриськыса, ассэ оскымон, кышкасьтэмен возьматэмез понна Асавка гуртысь Радмир Галиев М.Шаймуратов генераллэн медаленыз данъямын". Ожгарчилэсь медальзэ майор А. Арсланов Радмирлэн анай-атаезлы Залия но Владимир Галиевъёслы сётӥз.

Фото: Администрация Балтачевского района