Шаермес утисьёслы сӥзем ужрадъёс трос ортчо

 Культура юртэ ӵемгес лыкто школаын дышетскисьёс. Уго соос киын – асьмелэн вуономы. Алигес дышетскисьёс понна «Герои нашей страны» урок ортчытӥзы. Отын шаермес утисьёс сярысь вераськизы. Пумиськонын Быдӟым Атыкай ож, Афганистан, Чечня, нимысьтыз военной операция сярысь вераськизы. Соос пӧлысь котькудаз дано пиосмы улонзэс жалятэк шаермес утизы. Та кышкыт аръёс сярысь ноку вунэтоно ӧвӧл.

Мукетыз ужрад Янаул городысь одӥгаз магазинын ортчиз. Шудекысь культура юрт гурт поселенилэн администрциеныз ӵош отын флешмоб радъяз.  Соос басьяськисьёсын ӵош «Катюша» кырӟанэз быдэстӥзы. Таӵе ужрад тросэз понна шӧдтэк шорысь ке но луиз, яратоно кырӟанзэс соос шумпотыса кырӟазы.