Башкириысь кузпалъёс СВО-ын госпитальын тыршо

Кызьы гожтэ «Иглинские вести» газет, пиосмурт аслыз «Мастер» позывной быръем. Со – санитар, нош кузпалыз – медсестра – «Лилу».

«Лилу» СВО-ын 2023-тӥ ар пумысен тырше. РФ-ысь Обороная министерствоен контракт со Москваысен гожтэм. Секытлыкъёс сое уг кышкато, уго «Лилу» пандемия вакытын ковид-госпитальёсын ужам.

Кышноез СВО-е мынэмез бере кӧня ке толэзьскын «Мастер» но контракт гожтоно кариськем. Озьы соос огӵош ужаны, ожгарчиослы юрттэт возьматыны кутскиллям. «Лилу» «За военную доблесть» (2-тӥ степень) медален данъямын, «Мастер» - «За участие в специальной военной операции» медален.

- Мон – бигер, кузпалы – армянин, нош Родинамы милям – одӥг. СВО кутскытозь картэ заводын слесарь-монтажникын ужаз. шаермы шуге-леке шедемен, со палэнэ кыльыны ӧз быгаты, СВО-е мыныны малпаз. Кунмылэн вуоноез сое котьку сюлмаськытэ вал, - вера «Лилу». – Шутэтскытэк ке но ужаськом, шер пумиськиськом ке но, номырлы ум ӝожтӥськиське. Шаермес утисьёслы юрттон – милям валтӥсь ужпуммы.

Кузпалъёс 16 ар ини улон сюрестӥ ӵош вамышъяло. Соослэн нылзы но пизы будо. Али соос песяенызы ӵош уло.

Фото:газета «Иглинские вести»