Школаын концерт радъяськиз

Та лыдпусъёс улсын Янаул ёросысь Вуж Вараш школаын крезьгур ужрад ортчиз. Концертэ куноос но вуэмын вал: Россиысь Геройлэн Игорь Насибуллинлэн атайез Л.Г. Насибуллин, Афганистан ожез ортчем  В.Ф. Заиров, вань улонзэ шаермес утёнлы сӥзем капитан В.Г. Галиманов, Чечняын бырыны шедем Эмиль Насибуллинлэн агаез Э.И. Насибуллин.

Сцена вылысен вордскем шаерез гажан мылкыдэн пыӵам кырӟанъёс но кылбуръёс чузъяськизы. Концертсы яркыт но учкымон пӧрмиз. Ужрадэз йылпумъяса, школаен кивалтӥсь В.М. Галямшина пиосмуртъёсты вуоно праздникен ӟечкылаз. Угось шаермы понна улонзэс сётыны дась луись адямиосын кужмо странамы. Соос луэмен сайкыт инбам улын шудбуро улӥськом.

Фото: МБОУ СОШ с. Старый Варяш