Татышлы ёросын "Арлэн дышетӥсез" конкурс йылпумъяськиз

Дышетӥсьёс котьку сямен конкурсын ӟеч тодон-валанзэс, котыр ласянь быгатонлыксэс, нылпиосын огкыл шедьтыны быгатэмзэс возьматӥзы. Соин дунъясьёслы соос пӧлысь устооссэ быръён секытэн сётӥськиз. Конкурсын анай кылъя дышетӥсьёс пӧлын вылӥ дунъязы Кальтяево школаысь дышетӥсьлэсь Люция Ахунзяновна Хазиповалэсь ужзэ. Егит дышетӥсьёс пӧлын вормисе потӥз Вылысь Татышлыысь кыкетӥ номеро школаысь физкультурая дышетӥсь Ляйсан Рустамовна Каримова. Нош "Арлэн дышетӥсез" ним Г. Сокорой нимо гимназиысь дышетӥсьлы Оксана Викторовна Валиахметовалы сётэмын. Табере соос ёрослэсь данзэ конкурслэн ёрос этапаз утёзы.