Быръёнъёслы сӥзем ужрад

Солы сӥзьыса, Янаул ёросысь Шудек гуртысь библиотекаын «Всё о выборах» ужрад ортчиз. Со вераськон-шудон амалэн радъяськиз. Отчы 3-4-тӥ классъёс пыриськизы.

Шудон Россилэсь символиказэ тодэ ваён бордысен кутскиз. Собере пиналъёс «Россия – родина моя» викторинае пыриськизы. Дышетскисьёс вордскем шаерзы сярысь ӟеч тодон-валанзэс возьматӥзы. Бӧрысь библиотекарь Л. Садыкова нылпиосты «кандидат», «избиратель», «бюллетень» кылъёслэсь пуштроссэс валэктӥз. Со сяна, пиналъёсты «Выборы на лесной опушке» шудон витиз. Соос Лудкеч, Ӟичы но Гондыр пӧлысь нюлэслы «президент» бырйизы. Избиркомлэн ёзчиосыз луизы дышетӥсьёс Лидия Зариповна фёдорова но Галина Анатольевна Валиева.

Шудон пыр нылпиос зэмос быръёнъёслэсь радлыксэ валазы. Та нуналэ книгаосын адӟытон но дасямын вал. Отын нылпиос РФ-лэн, БР-лэн законодательствозылы, Россилэн городъёсызлы сӥзем книгаос возьматэмын вал.

Фото: Шудекская сельская модельная библиотека