Газетмылэн кубокез понна волейболъя ӵошатскон ортчоз

Туэ со Татышлы ёросысь Улысь Балтач школаын 15-тӥ феврале ортчоз. Ӵошатсконэ 2007-тӥ арын но со бере вордӥськем пиналъёс пыриськозы. Арлы быдэс сямен, кужымзэс эскерозы республикаысьтымы Татышлы но Калтасы ёросъёсысь школаосын дышетскисьёс. Шумпотыса пумиталомы Пермь шаерысь Куеда ёросысь пиналъёсты но. Кылем арын нылъёс пӧлын «Ошмес» газетлэн кубокезлы кузё луиз Бадӟым Гондырысь команда, нош пиос пӧлын вормисе потӥз Выль Татышлыысь нырысетӥез команда (тренеръёссы Игорь Ахматуллин но Александр Сабанчин).