Алтауын тодмо писателен пумиськон ортчиз

Гуртоосыныз пумиськыны но соосты выль книгаосыныз  тодматыны вордскем гуртаз Ульфат Шайхутдинович Бадретдинов вуиз. Писательлэн произведениосысьтыз валтӥсь геройёсыз трос дыръя Алтау гуртысь луо. Соин алтауос Ульфат Шайхутдиновичлэсь выль книгаоссэ пӧсь табанез выллем возьмало, со понна шумпото.

 Гуртоослэн пумиськонзы капчи мылкыдъем пӧрмиз. Одӥг ӝӧк сьӧрын вераськыса, пӧртэм малпанъёсты шараяса, серемес учыръёсты тодэ вайыса, вакыт туж ӝог ортчиз. Писательлэн, гуртоосыныз пумиськыса, малпасько, одно ик выль ужез кылдоз. Угось вордскем гуртэз солы котьку кужым сётӥз, бурдъёс кузьмаз.

Тодады вайытӥськом, кема ӧвӧл Ульфат Бадретдинов «Удмурт Элькунысь калык писатель» нимлы кузё луиз.

Фото: Трезвое село 2024 -  Алтаево