Эшъяськон кубокез удмуртъёслы выжтӥзы

 Городын соос пӧлысь котькудӥзлэн аслаз огазеяськонэз кылдытэмын. Соос Йӧскалык культураосъя центрлэн бурд улаз ужало. Татын ӟеч сямлы пӧрмиз ни калык культуралэсь нуналъёссэ быдэс толэзь ӵоже радъян. Толшор толэзь, кылсярысь, ӟучъёслы сӥземын вал. Ӟучъёслэн огазеяськонзы та вакытэ трос пӧртэм ужрадъёс ортчытӥз. Соос калыклэсь кылзэ утьыны, лулчеберетсэ, сям-йылолъёссэ азинтыны юрттӥзы. Ӟучъёслэн лулчеберетсыя толэзь «С Россией в сердце!» концертэн йылпумъяськиз. Отчы городысь сяна, Бирскысь, Агидельысь кырӟасьёс пыриськизы.  

Концертын Эшъяськон кубокез городысь удмуртъёслэн центрзылы выжтӥзы. Сое огазеяськонэн кивалтӥсь Ирина Алферова басьтӥз. Озьыен, южтолэзе городын удмурт кыл кузёяськоз.