Школаын дышетскисьёс йӧл комбинатэ вуылӥзы

Ермекей ёросысь Суккулово школаын дышетскисьёс  Белебейысь йӧл комбинатэ вуылӥзы. Экскурсия тунсыко но пайдаё пӧрмиз. Нылпиос Башкортостанын но Россиын  гинэ ӧвӧл, кунгожсьӧр шаеръёсын тодмо луись комбинатэн тодматскизы, отын ужасьёсын пумиськизы, соослэн ужзы сярысь вераськизы. Тужгес тунсыкъяськыса кылзӥзы технологлэн, микробиологлэн, лаборантлэн, маслоделлэн ужъёссы сярысь мадемзэс.

Йӧл заводын ужасьёс пиналъёслы сыр лэсьтон амалъёсты возьматӥзы, пӧртэм сыр поттэмзы сярысь веразы. Нылъёс но пиос сырохранилищее пыразы на. Соос понна дегустация но радъямын вал – котькин аслыз кельшымон сыр бырйыны быгатӥз. «Экскурсимы тунсыко, пайдаё но ческыт пӧрмиз», – верало дышетскисьёс.

- Ми тау кариськом «Белебеевский молочный комбинат» АО-лэн администрациезлы, генеральной директорезлы Е.Т. Линкевичлы, бадӟым предприятие вуылыны луонлык кылдытэмзы, профессиосын тодматэмзы понна, - гожтэ вотэс бамаз Суккулово школалэн директорез  Фануза Чулпанова.

Фото: Ермекеевские новости