Культура юртэ нылпиос люкаськизы

Солы сӥзьыса, Янаул ёросысь Шудекысь культура юртын, библиотекаын ужасьёс нылпиос понна «Блокада Ленинграда» патриотической час радъязы.Ужрад нылпиослы вордскем музъемез гажан, сое утён, шаер понна кышкытлыкъёслы пумит султон мылкыд пыӵатӥз.

Кышкыт ож йылпумъяське ке но, со сярысь малпанъёс, тодэ ваёнъёс адямиослэн сюлэмъёсазы уло. Кызьы вунэтод ож лудэ бырем матысьёслэсь нимъёссэс? Яраос аръёс ортчыса но уг бурмо.

Асьме войскоослэн Лениградэз мозмытонлы сӥзем военной операцизы «Январский гром» нимаськиз. Блокада 872 нунал кыстӥськиз. Адямиос сыӵе курадӟонлы дась ӧй вал. Служащейёслы но нылпиослы (20-тӥ шуркынмон – 25- тӥ толсур толэзьёсы) суткаяз 25 грамм нянь сёто вылэм, ужасьёслы, тылпуэн нюръяськисьёслэн но ремеслоосъя училищелэн командаязы лыдъяськисьёслы – 300 грамм. Ӟырт кезьыт тол нуналъёс, сютэмлык Ленинградын улӥсь олокӧня сюрс адямиослэсь улонзэс чигизы.

Фото: Шудекский СДК